SHILLONG: Meghalaya a·doko koela bikote cha·enggipa chonchongipa manderangba, koelarangko bikotpiltaina man·na gita adita salrangna skang, a·dokni Chief Minister Conrad K Sangma, Union Coal Ministry-ni Secretary aro Additiona Secretary baksa tom·aniko ong·atangenba, a·doko chonchongipa koela a·damrangko kulipiltaina gita songako man·gipa committee-ni kamrangko nipilangaha.
Ia tom·anio a·dokni Chief Minister, chonchongipa koela a·damrangko chalaina ia committee-ni kamrangko nipilangaha.
Meghalaya a·doko bang·a nokdangrangan koela bikotanio pangchake janggi tanggiparang ong·ani gimin samtangtango ong·telaigiparangko chel·chakna kam ka·engon, chonchongipa koela a·damrangko niamo pangchake bikotna gita kamrangko a·bachengpiltaina nangenga ine Chief Minister aganaha.
“A·doko bang·gija koela bikote cha·enggipa manderangba, niamo pangchake aro naljokani baksa koelarangko bikotna on·piltaina chinga rakbee kamko ka·enga. Apsan somoion samtangtango ong·telaigiparangko chel·chakna gitaba chinga kamko ka·enga,” ine Chief Minister parakataha.