BAGHMARA: Meghalaya a·dokni skanggipa Chief Minister, Capt. Williamson A. Sangmani chang 36-gipa siani salko South Garo Hills a·jao maniangaha. Capt Sangmani siani salko gisik ra·ani chin gita Robibar salo Baghmara songjinmani Capt. Williamson Sangma Memorial Park-o, South Garo Hills District Police dingtangmancha mande ra·pilskaaniko dake Shok Parade-ko dakangaha.
Tom·bimonganio bako ra·gipa sorkari official-rang; police official-rang Capt Sangmani, Meghalaya a·dokna uandake uano songdonggipa sakanti manderangni silroro-namroroanina on·kange kamrangko ka·angahanina uni mangkrong mikkango pul bibalrangko donenba mandera·aniko dakangaha.