Shillong, Oct 26 : Meghalaya-ni gitcham Deputy Chief Minister aro United Democratic Party (UDP)-ko a·bachengdilgipa Bindo M. Lanong, President Metbah Lyngdoh-ni party-ko re·dilna changjani a·sel party itihas-o namjabatgipa neng·nikanirangko chagrongna nangenga ine aganangaha. UDP-ni sak 12 MLA-rangoni sak 11 MLA-rang party-oni ong·katahani gimin party-ko namen bilgriataha ine ua janapataha. Party-oni ong·katgipa MLA-rangoni sak 8-de BJP-o aro sak 3-de NPP-o napangskaaha.
Lanong, Metbah Lyngdoh-ko politics-na bate uni bading chiwalanina somoirangko on·batanina matnangatengon, Metbah, UDP-ko an·tangni bading chiwalani gitasa chalaiaia ineba ua janapataha. UDP-ni President gitcham Donkupar Roy-ni kamtangna ua de·mitelatengon, manderangna aro a·dokna kamko ka·gipa namgipa dilgipakosa party-na nanga ineba ua aganataha.
Metbah Lyngdoh, party-ni president ba cabinet minister ong·aoniko an·tangan resign ka·naba dongaha ine ua agandapangkuaha. Uni bebe ra·ani gitade, Metbah-ni dilanio UDP namen nosto ka·ako man·aha.
The post UDP, Metbah Lyngdoh-ni ning·o bang·a neng·nikanirangko chagrongna nangenga : Bindo M. Lanong appeared first on Hub News.