Omupresidente woshilongo Netumbo Nandi-Ndaitwah ota ka kalelepo Namibia komutumba ou hau ufanwa Russia-Africa oku dja mo 28 sigo 29 aOkotoba neudo ko Russia.
Oku dilila kouyelele wepandja komupresidente lokomalungula omutumba ou ile oshiindingili eshi oshililepo oku nghonopaleka oukaume, oshoyo ekwatafano pokati koilongo ivali, unene ngeenge tashiya pongeshefa, oikwamina, ekonomi loshilongo, ounamapya, ehongo lopombada oshoyo oinima yanika oungoba.
Omutumba ou otau ka unganekwa koshi yotema tai popi ombili, eameno oshoyo exumo komesho, notau ka eta pamwe omitwe domapangelo oku dilila koilongo ya yooloka yoo.
Nandi-Ndaitwah okwa teelelwa aka etepo oshipopiwa shinasha na nghee Russia ena oku longela kumwe na Africa, opo vadule oku nghonopalifa ekwatafano lavo, unene ngeenge tashiya poungoba, oikwamina oshoyo ongeshefa.
Oshipopiwa eshi otashi ka kwatelwa komesho noku helwaa helwa komupresidente wa Russia Vladimir Putin oshoyo Omupresidente wa Burundi Évariste Ndayishimiye.
Konima yoivike ivali, Namibia naye natango okwa li ena omutumba woludi eli oo wali waunganekwa kouministeli womakwafano wopaungoba, unasha nonghee tuna oku lundulula omakwatafano etu, unene ngeenge tashiya poinima yanyika oungoba oshoyo elongifo lakeshe osho shanyika oungoba.
Minista womauyelele nomakwatafano opaungoba moNamibia, Emma Theofelus oo ali yoo omuunganeki nomukwateli komesho woshitufi okwa fimanekele omahango oo ali akufa ombinga moshitufi eshi.
“Ondapandula eshi tamu kalekepo ekwatafano leni liwa nouministeli ou, nyee tamu kulilafana yoo meetenga deni domaulele oshoyo omakwatafano awa nouministeli oshoyo nepangelo unene ngeenge tashiya poinima yopaungoba,” a ta ti.
Namibia na Russia navo ova yoo vakala vena ekwatafano lavo liwa momukalo ou, nonande ekwatafano lavo, ladja nale oku dilila ashike pefimbo lekondjelo manguluko loshilongo.
Nandi-Ndaitwah okwa teelelwa a kale a fiyapo oshilongo mo 26 Okotoba, noku a lukilamo mo 30 ya Okotoba.
-taimihaihambo2000@gmail.com
The post NNN taka kalelapo oshilongo ko Moscow appeared first on New Era.