Kadib guushii Hary Kane abaalmarinihii kale ee la bixiyey & guusha Ingiriiska.

Kabtanka xulka qaranka England iyo weeraryahanka kooxda Bayern Munich Hary Kane, ayaa ku guuleystay abaalmarinta Ballon d’Or 2026, oo sanad kasta la siiyo ciyaaryahanka kubadda cagta ragga ee loo doorto inuu sameeyey waxqabadka ugu wanaagsan, abaalmarintan oo ay bixiso majaladda Faransiiska ee France Football, ayaa Kane kaga horreeyey Kylian Mbappé oo galay kaalinta labaad iyo Lamine Yamal oo galay kaalinta saddexaad.

Guusha Kane waxay soo afjartay muddo 25 sano ah oo uusan ciyaaryahan Ingiriis ahi ku guuleysan abaalmarinta, tan iyo markii Michael Owen uu qaaday sannadkii 2001, noqday ciyaaryahankii shanaad ee Ingiriis ah ee taariikhda ku guuleysta Ballon d’Or, isagoo ku biiray Stanley Matthews, Bobby Charlton, Kevin Keegan iyo Michael Owen.

Ciyaartoyda Ingiriiska ee horay u qaaday Ballon d’Or

Taariikhda Ballon d’Or waxaa ku jira afar ciyaaryahan oo Ingiriis ah oo ka horreeyey Harry Kane. Stanley Matthews ayaa noqday ciyaaryahankii ugu horreeyay ee ku guuleysta abaalmarinta sannadkii 1956, markaas oo uu u ciyaarayay kooxda Blackpool. Bobby Charlton ayaa ku guuleystay sannadkii 1966, kaddib markii uu door muhiim ah ka qaatay guushii xulka England ee Koobka Adduunka.

Kevin Keegan ayaa abaalmarinta qaaday laba sano oo xiriir ah, 1978 iyo 1979, xilligaas oo uu u ciyaarayay kooxda Hamburg ee Jarmalka, halka Michael Owen uu isaguna ku guuleystay sannadkii 2001, isagoo markaas u ciyaarayay Liverpool.

Waxqabadka Harry Kane

Harry Kane ayaa ka mid ahaa weeraryahannada ugu goolasha badan kubadda cagta Yurub, isagoo Bayern Munich u dhaliyey goolal badan tan iyo markii uu kooxda ku biiray sannadkii 2023. Kane, oo sidoo kale ah kabtanka xulka qaranka England, ayaa caan ku ah awoodda uu u leeyahay inuu goolal ka dhaliyo meelo kala duwan, dhammeystirka fursadaha iyo ka qaybqaadashada dhismaha weerarka kooxdiisa.

Taariikhda kooban ee Ballon d’Or

Abaalmarinta Ballon d’Or waxaa aasaastay majaladda France Football sannadkii 1956, iyadoo markii hore loo yaqaannay abaalmarinta ciyaaryahanka Yurub ugu wanaagsan. Ciyaaryahankii ugu horreeyay ee ku guuleysta wuxuu ahaa Stanley Matthews oo u ciyaarayay kooxda Blackpool ee England, muddo dheer abaalmarintu waxay ku koobnayd ciyaartoyda Yurub, balse sannadkii 1995 ayaa loo oggolaaday ciyaartoyda ajaanibta ah ee ka ciyaara kooxaha Yurub, halka 2007 loo ballaariyey ciyaartoyda adduunka oo dhan.

Sannadkii 2018 ayaa la bilaabay Ballon d’Or Féminin, oo lagu maamuuso ciyaaryahannada haweenka, waxaa horay u hantay Lionel Messi oo ku guuleystay siddeed jeer iyo Cristiano Ronaldo oo qaaday shan jeer. Sannadkii 2024, UEFA ayaa ku biirtay wada-maamulka xafladda, taasoo sii xoojisay kaalinta ay abaalmarintu ku leedahay kubadda cagta caalamka.

Abaalmarinadii kale ee la bixiyey