Ngaashi naana shi li omukalo ndjiikilile, omaudano keefikola da yooloka okwa tulwa manga mokafudo molwaashi ovanafikola ove li pyakidila nomakonakono okexulilo lomudo.
Okwa didilikwa omwedi waNovemba ovanafikola hava kala ve li pyakidila tava shange omakonakono eendodo da yooloka opo va dule okuya kondodo ya landulako.
Omunashipundi womaudano moshitukulwa shaHangwena Simon Kasheeta okwa ti efimbo e li ola fimana kovanafikola okukala ve li tula mo moilongwa yavo.
Okwa yelifa ta ti ovanafikola ovo ve li meendodo dopedu otava dulu okukala tava ninga omadauno shaashi ihava shange omakonakono.
“Omaudano okwa fimana kovanafikola ashike osha fimana tete tu vape omhito ve li honge opo va pite noitwa iwa,” ta ti.
Okwa ti neudo eefikola da yooloka moshilongo okwa li de li pyakidila nokuninga omaudano nelalakano lokuhafela pamwe nokulika ounongo wavo.
Okwa ti ngeenge omakonakono okwa pu nena ovanafikola otava twikile nomadauno avo.
Kombinga ikwao, okwa ti ovanafikola konima yomakonakono ova uka mefudo shaashi eefikola otadi pate.
Okwa kumaida ovanafikola opo ve li honge nondjungu nelalakano lokupita.
-fhamalwa@nepc.com.na
The post Omaudano keefikola shi lindi appeared first on New Era.