Shillong, Oct 26: Sombar salo, Khasi Students Union (KSU)-ni dilgiparang, Meghalaya a•dokni Chief Minister Conrad K Sangma-ko grongenba, Shree Cement-ni bidingo public hearing-ko ong•atani, Meghalaya Residents Safety & Security Act (MRSSA)-ko jakkalchina dabiani, NEIGRIHMS-o kamna ra•ani aro gipin biaprangoni re•bae kam ka•enggiparangni bidingo man•chape gimik mingbonga dabianirangko chu•sokatchina didiangaha.
Chief Minister-ko gronge chanchirimani gimin talate on•angengon, North Eastern Indira Gandhi Regional Institute of Health & Medical Sciences (NEIGRIHMS)-na kamo ra•ani bidingo suk ong•gijaniko parakna gita Mongolbar salo ong•atenggipa NEIGRIHMS-ni Governing Council-ni tom•anio KSU-ni membor-rangkoba okamchina uamang, a•dok sorkariko didiaha ine KSU-ni general secretary Reuben A Najiar parakataha.
Union Health Ministry baksa agangrikna a•dok sorkarini ku•rachakaniko man•ahani gimin 2025 bilsio KSU-ni jingjengataniko dontongahachim ine janapatengon, iani bidingo KSU, Tura-ni MP Saleng A Sangma-koba niatchina sedoatahachim ine Najiar aganaha.
2016 bilsio ra•gatgipa MRSSA-ko da•onan jakkalgija donchipengani giminba KSU, Chief Minister-na suk ong•gijaniko parakangaha.
Najiar-ni parakatani gitade, Umling-o facilitation centre-ko kulina gita bakan biaprangko niena siengaha ineba ia tom•anio Chief Minister, KSU-na ku•rachakaniko on•ataha.
The post KSU-ni mingbonga dabianirangko chu•sokatchina CM-ko didia appeared first on Hub News.