© APA | Niderland Krallığının xarici işlər naziri Tom Berendsen
26 oktyabr 2026 13:42 (UTC +04:00)
Niderland xalqlar arasında qarşılıqlı anlaşmanı gücləndirmək məqsədilə etimadın qurulması istiqamətində tədbirləri dəstəkləyir.
APA xəbər verir ki, bunu Niderland Krallığının xarici işlər naziri Tom Berendsen Azərbaycan xarici işlər naziri Ceyhun Bayramovla birgə mətbuat konfransında deyib.
Nazir bu çərçivədə İtkin düşmüş şəxslər üzrə Beynəlxalq Komissiya vasitəsilə meyit qalıqlarının eyniləşdirilməsi və yerinin müəyyənləşdirilməsinə kömək məqsədilə yeni maliyyə dəstəyinin ayrıldığını elan edib.
