Shillong, Risaw 26: U President ka Meghalaya Pradesh Congress Committee (MPCC) u Bah Vincent H Pala hynne ka sngi Nyngkong, ula ong ba ka jingshongshit ia ka seng VPP ha u snem 2024 kala sdang ban kynjah noh bad wat ka jingai jingkyrshan ruh kala nang hiar bha ha kylleng ka Khasi bad Jaintia Hills.
U Bah Pala, uba dang pynkhreh ban iakhun ia ka elekshon shiteng samoi jong ka MP Lok Sabha hadien ka jingrem ha u snem 2024 hadien 15 snem jong ka jinglong MP, ula ong ba ka jingiakhun kan long hapdeng ki 3 ngut ki kyrtong.
Haba jubab ia ka jingkylli, la ka VPP ka dang khlain kumba long ha u snem 2024, u Bah Pala ula ong, “Ha nga shimet hi, nga sngew ba ka jingshongshit ha u snem 2024 ka iapher na kaei kaba la long mynta. Ha katei ka por ka jingshongshit kala jur bha ha ki rynsan social media.”
Ula ong, ba ula leit ha kylleng ki ktem ba khlain ka VPP bad la lap ba kala hiar bha ka jingioh jingkyrshan ka VPP.
“Ka VPP kala ioh ia ka jingkyrshan kaba radbah na Mylliem, ha kine ki khydniat por, nga lah leit sha Mylliem nga lah iohi ba ka jingai jingkyrshan ka lah da hiar thikna bha. Ki lah ioh ia ka jingkyrshan kaba radbah na Sohra bad na ki thaiñ khappud kum ka Pynursla, hynrei mynta kane kala hiar bha. Ha Jaintia Hills ruh ka VPP ka lah nang hiar bha” ula ong.
“Ngim iohi ba kan don ka jingkiew ha ka jingshongshit ia ka seng VPP, hynrei kala nang hiar katba nang mih ki sngi” ong u Bah Pala.
U Nongialam ka Congress ula ong, ba ki nongthep vote kin sa shim ia ka rai kaba khatduh hadien ba la pynmih ia ka jingpynbna paitbah bad lah dep ka jingleit thep kyrteng jong ki kyrtong ban iakhun elekshon.
“Kane ka elekshon, ka jingiakhun kan long hapdeng ka Congress, NPP bad VPP hynrei ki paitbah kin ym pat rai eiei katba ym pat pynbna ia ka elekshon bad katba ki kyrtong kim pat thep kyrteng” ula ong.
Haba kynthoh ia ka seng VPP kaba synshar ia ka district council, u Bah Pala ula ong, “Bun ki khyrdop ki lah mih khlem ka jingiaid da ka lynti kaba khuid ba suba bad khlem ka jingai jingkhein bad bun ki Syiem kila shah weng khlem kino kino ki daw kiba biang. Kila leit ruh sha iingbishar bad kila jop ia ki mukotduma”.
Ula bynrap, “Kane ka pyni ba kim lah tnag ban synshar ia ka district council, kumno phin khmih lynti ba kin pyniaid ia ki kam ha Delhi ne wat hapoh jong ka jylla ruh”.
“Ki paitbah ka Meghalaya kim dei satia ki biej, phi lah ban pynbiej ia ki shisien ne arsien hynrei phin um lah pat ban pynbiej ia ki haduh lai sien”.
Pule ruh : Ka jingdon nombar ha Assembly bad ka jingioh Vote ka iapher bak la bak
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Ka VPP kam lah wat ban pyniaid ha District Council, kumno kin treikam ha Delhi : Pala appeared first on Hub News.