Ռուսաստանի Բրյանսկի մարզի նահանգապետ Եգոր Կովալչուկը հայտարարել է, որ այս գիշեր ուկրաինական հարձակման հետևանքով Բրյանսկում երկու մարդ զոհվել է, ևս վեցը՝ վիրավորվել:
Ըստ նահանգապետի՝ երկու տղամարդիկ զոհվել են քաղաքի Բեժիցկի շրջանում անօդաչու թռչող սարքերի հարվածների հետևանքով, վեց վիրավորները Սովետսկի շրջանում են: Բրյանսկում նաև երեք բազմաբնակարան շենք և 11 ավտոմեքենա է վնասվել:
Ռուսաստանի պաշտպանության նախարարությունը հաղորդել է Նովգորոդի, Տվերի, Բելգորոդի, Բրյանսկի, Կուրսկի, Կալուգայի, Օյոլի, Տուլայի, Վորոնեժի, Սմոլենսկի, Ռոստովի մարզերի, Կրասնոդարի երկրամասի, բռնակցված Ղրիմի տարածքներում և Սև ծովի վրա 222 ուկրաինական անօդաչու թռչող սարք խոցելու մասին: