OSHAKATI- Ovanyasha kOmukunda Oshikunde ova unganeka efiku loudano tau kakala ko mexuliloshivike twa finda nelalakano lokukaleka po efimano loudano.
Oudano otau denenwa kokapale komaudano kOshikunde okudja omafiku 30 Okotoba fiyo 1 Novomba.
Okwa teelelika eesipana di dulife 10 doumadano okatanga kokeemadi di kale da fika okukufa ombinga moudano ou.
Omuunganeki woudano ou Matesu Mweshipopya okwa ti oudano ou owa fimana shaashi otau ka hanganifa ovanyasha pamwe ,okukala va hafela pamwe nokuulika ounongo wavo.
Okwa ti aishe oya pwa okulongekida nokukala va ninga efiku loudano.
Okwa ti oudano owa fimana molwaashi elalakano okuyandja omhito kovanyasha va longife ounongo vavo tashi pitile okudana okatanga.
Okwa yelifa ta ti natango osipana ei ina ehalo lokukufa ombinga moudano ou oya manguluka okulishangifa nena ile mongula.
“Ovanafikola navo ova manguluka okutuwaimina koudano ou,” ta ti.
Okwa ti osipana yotete tai ka findana otai ka pewa oshimaliwa shi fike N$1200.
Osipana itivali otai pewa oshimaliwa shi fike poN$800.
Okwa weda po ta ti natango osipana tai kafindana tete otai pewa ekopi.
Okwa ufana oshiwana shomudingonoko waShikunde opo shi holoke kokapale okukatala omakoma eshi taa dana etanga.
-fhamalwa@nepc.com.na
The post Ovanyasha kOshikunde va unganeka efiku loudano appeared first on New Era.