Tripura, Nov 16: Sombar salo, Tripura Pradesh Congress Committee (TPCC), Civil Secretariat-ni State Election Commissioner-ni office a·palo jinma asonge jingjengataniko dakangaha. Party-ni gita uamang re·baenggipa November jani 27 tariko tom·tomgipa aro kakketgipa election-ko ong·atna man·a gita Central Armed Police Forces (CAPF)-ko chu·onga gita watatchina dabiangaha.
TPCC-ni President Ashish Kumar Saha-ni dilanio Congress dol, MLA Gopal Chandra Roy aro gipin dilgiparang, State Election Commissioner Dr. Pradip Kumar Chakraborty-o grongeaha. Indake ong·genchimoba uamang uni aganchakaniko chu·ongnikjaha. Uamang jasa ong·na skang mangmang ma·mongni chel·chakgipa dolrangko watatchina dabiatahachim, indiba uamang mamingba ka·dongatani kattarangko man·sojaha ine party u·iataha. Election Commissioner-ni u·iatani gitade, a·dok sorkario mol·molaniko dakatahachim indiba mamingba aganchakaniko man·soa dongkujaenga ine ua janapataha.
Jingjengataniko dakmitingo somoio, IG (Law and Order) Ipper Manchak Dnyanoba aro West Tripura-ni District Magistrate Dr. Vishal Kumar, a·damona re·angenba jegalenggipa dolrangko uamangni jingjengataniko dontongchina didianiko dakangaha. Indake ong·engon, Congress-ni MLA Sudip Roy Barman-ba jakgitelgipa aro kakket ong·e election-ko ong·atna man·a gita chu·onga gita chel·chakaniko on·china dabie West Tripura District Magistrate-ni office a·palo dingtang jegalaniko dakangskaaha.
Na·simang iakoba poraina man·gen: Guwahati-o National Press Day-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
